Traballando cómo nos podemos sentir e cómo nos relacionamos.....
Hoxe contamos coa colaboración da Cruz Vermella de forma que unha persoa experta en habilidades sociais nos veu a falar sobre Habilidades Sociais.
Ó longo de hora e media puidemos coñecer algo mais de nós mesmos, para poder relacionarnos mellor cos demais. Coñecernos mellor a nós mesmos, poñerse no lugar dos demais, coñecer os nosos medos, saber do que somos capaces...., son aspectos moi importantes para poder relacionarnos mellor cos demais.
Vivimos en sociedade e por tanto relacionámonos con outras personas e para elo non só temos que coñecernos ben a nós mesmos senón tamén temos que saber interpretar os xestos, os momentos, a forma de expresarse, .... da persoa ou persoas coas que interactuamos, para pode ter unha comunicacion exitosa con esas persoas.
O traballo en equipo e de forma colaborativa exíxenos o mellor de nós, ser capaces de conseguir o maior beneficio para o grupo por encima das individualidades de cada un. Dito doutra forma, obter algo satisfactorio para todos coas mínimas perdas individuais.
Deixámosvos eiquí unhas poucas instantáneas.....
No hay comentarios:
Publicar un comentario