Seguimento do periodo sen clases

 

Pequenos e  pequenas,  

 

Estamos vivindo un momento histórico que  ningún de nós viviu ate  o momento. Vós   sodes conscientes  da situación que  se produce  a consecuencia da aparición do COVID-19  e dos seus efectos, porque  fixestes un gran traballo investigando sobre  elo.  

 

De  golpe  cambiou a nosa forma de  vida diara, vémonos obrigados a non poder asistir a clase, a  quedar confinados nos nosos domicilios, a saír o indespensable,  para  evitar ou cando menos  diminuír as posibilidades de contagio.

 

Ben,  pois  todo isto tamén  o temos que  utilizar para aprender, para  facer un seguimento da situación, para  ver cómo nos sentimos e  cómo imos superando ésto cada día;  e  sería moi importante documentalo todo, e  gardar  dalgunha maneira esta experiencia que nos toca vivir. Hoxe temos moitas ferramentas para  poder deixar constancia de cómo experimentamos esta situación de confinamento.

 

Para elo  os profes pedimosvos que  deixedes constancia de cómo  vivides  estes momentos, recollendoo  nun pequeniño diario,  que pode  ser  escrito ou gravado  nun  audio.  Podedes gravar un pequeniño audio cada día, moi breve.

 

Tal e como vos  conto no video que  vos  deixo  neste enlace, pedímosvos que  gravedes un pequeno audio cada día, onde deixedes constancia  do que facedes, de como estructurades o tempo de estudo e de descanso, como se vive esta situación dentro do entorno, dificultades, estados de ánimo, colaboracións, anécdotas, etc.; todo aquilo que  vós consideredes que  debedes rexistrar.

 

Como no Colexio temos o proxecto de Radio na Escola, ésto poderíanos incorporalo despois ao proxecto, xa que é unha experiencia máis e moi importante. Así, xuntándoos todos, teríamos unha  biblio-audio-contos.

 

 Se  queredes, podedes ir subindo  os  audios que  gravedes, tipo podcast , ao DRIVE, gardádelo na carpeta PODCAST CASA. Así estas experiencias contadas, iremos  incorporándoas ao proxecto de RAdio na Escola,  e despois todos poderemos compartilo.

 

Os que optedes por rexistralo por escrito, facedes un pequeno diario  que  cada un poderá ler voluntariamente no retorno ás aulas.  Prucurade  aplicar todas aquelas normas ortográficas, de puntuación e de expresión que  tedes aprendido.