QUÉ PODEMOS FACER PARA TER UN PLANETA MELLOR?
O 25 de setembro de 2015, os dirixentes de 193 países do mundo comprometéronse na ONU, a acadar en 2030 17 obxectivos en relación a mellorar as condicións de vida no noso Planeta.
Con estes obxectivos preténdese acadar a igualdade entre as persoas, protexer o Planeta e asegurar a prosperidade.
É unha especie de contrato social que ten como finalidade que ningúen se quede atrás e isto implícanos a todos, tanto a nivel individual como colectivo. Cada un desde a súa pequeniña parcela de súa vida pode contribuir a mellorar o que temos para acadar eses 17 obxectivos.
E claro que imos a facer..... pero antes, deixovos un pequeniño video sobre estes obxectivos e un enlace á páxina da ONU onde tedes toda a información que precisades para coñecer ben en qué consiste esta AXENDA 2030.
Ver video.
Como sabedes, no colexio estamos traballando estes temas desde o noso proxecto de centro, pero agora queriamos vincular estes ODS coa poesía e coa arte. Así que vos lanzo un reto:
RETO: Elaborar un pequeno poemario ou tamén un pequeno video rapeando estes poemas que escribamos, sobre dous dos obxectivos que nos tocou á nosa clase:
Xá sei que estades liados con moitas cousas, pero un bo estudante é un estudante crítico, comprometido, implicado, con iniciativas, capaz de sorprender aos demáis con accións positivas e colaborativas que axuden a mellorar a calidade de vida do mundo en xeral.
Como estamos a comprobar estes días con esta pandemia, non estamos no mundo aislados, senón que formamos parte dun mundo cada vez máis globalizado, que interactúa cada vez máis, onde cada día aparecen cousas novas que atentan contra o noso benestar, e nós, como axentes críticos, temos moito que aportar para mellorar a situación.
Podemos asociarnos, propor accións ás autoridades, apoiar ás asociacións que traballan polo desenvolvemento,.... a nosa visión é moi importante, porque é a nosa, e se non a expoñemos ninguén a vai a coñecer, e temos moitas ideas boas que compartir cos demais.
"A formiga, por ela sola pode facer pouco, pero todas unidas teñen unha grande forza".
O que vaiades facendo xa mo ides enviando, despois xa vemos coa Teacher como facemos a montaxe.
Ánimo.
No hay comentarios:
Publicar un comentario